|
استاد جوزجانی «بابرکلتوری انجمنی» نینگ رئیسی ایتیب تعیین لندی مارچ آیی نینگ 7سی یکشنبه کونی ستوکهولم شهریده، رهبریت اعضالریدن تشقری، بیرقطار تنیقلی کدرلراشتراکیده، "بابر کلتوری انجمنی" باشقرو هیئتی نینگ کینگ ییغیلیشی بولیب اوتدی. ییغیلیش، انجمن رئیسی حرمتلی تیموراونگوت تامانیدن آچیلدی. او،2009 ییل ایشلری بوییچه حسابات بیریب، مدنیت و معنویت ساحه سیده، شونینگدیک افغانستانده طبیعی آفتلردن ضررکورگن وطنداشلرگه یاردم کورسه تیش بوییچه عملگه آشیریلگن فعالیتلر حقیده معلومات بیردی. او، اگربیز انجمنیمیز نینگ 6 ییلیلک عملی حیاتینی نظرده توته دیگن بولسک، بجریلگن ایشلر، بیزنی قانیقتیرمیدی، نیگه که عملده، انجمن فعالیتی کینگراق ساحه لرنی قمرب آلیب، اعضالرنینگ ایستکلریگه ایجابی جواب بیریش اوچون کوپراق امکانیت لرگه ایگه در. تیمور اونگوت، مین 6 ییلدن بویان انجمن رئیسی صفتیده، سیزلرنینگ یاردمینگز بیلن، قولیمدن کیلگونچه تاپشیریلگن وظیفه لرنی بجریب کیلدیم. اوشبومناسبت بیلن همه- لرینگیزگه تشکر بیلدیرگن حالده، ایتماقچیمن که، بو گل اوزیمنی انجمن رئیسلیگی گه ادای( کاندید ) ایتماقچی ایمسمن. اگر رخصت بیرسنگیز، انجمن ایشینی ینگی بیر پاغانه ( مرحله، باسقیچ ) گه کوتریش اوچون اوز تکلیفیم (پیشنهادیم) نی اورته گه قویماقچی ایدیم. مین اوشبو مقصد اوچون، حرمتلی استاد، فنلردوکتوری پروفیسورعبدالحکیم شرعی جوزجانی نی رئیسلیک مقامیگه کاندید قیلیب، اولردن اوشبو مسئولیتنی قبول قیلیشلرینی سوره ماقچی من. چونکه اولر، حقوقشناس عالم و شاعر صفتیده ییللر دوامیده، کوپ علمی، اداری وسیاسی اورینلرده ایشلب کیلیب، تشکیلات و باشقرو بوییچه کتته تجربه- گه ایگه لر. اولرنینگ تجربه لریدن فایده لنیب، انجمن نی رواجلنتیریشیمیز ممکن. مین سیزلردن اوشبو تکلیفگه آواز بیریشینگیزنی سوریمن. اوندن سونگ ویب سایت مسئولی وانجمن منشی سی(سکرتری) کاظم نیازی سوز آلیب، تیمور اونگوت نینگ حساباتی وتکلیفی نی قوللگن حالده، ریاست وظیفه سیگه استاد جوزجانی نینگ کاندید لیگی توغری و معقول ایکنلیگی نی تاکیدله دی. شونینگدیک رئیس معاونی نعمت الله، سیدیونس، کریم جویا وباشقه لر سوز گه چیقیب، تیموراونگوت آلیب بارگن فعالیتلردن راضیلیک بیلدیرگندن سونگ، استادجوزجانی دن اورته گه قوییلگن تکلیف گه ایجابی جواب بیریشلرینی سوره دیلر. جوزجانی جنابلری، موضوع بوییچه سوز لب، جمله دن شونداق دیدی: بیرینچیدن کمینه گه کورستگن چیکسیز لطف و صمیمیتلرینگیز اوچون چین کونگلدن ممنونیت بیلدیرگن حالده، ایتماقچی من که بوندن 6 ییلمقدم، سویدن باش کینتی (پایتختی) دیک کلتور ومدنیت بویوک مرکزیده ، "بابر کلتوری انجمنی" گه اساس سالیب، اونی آزمدت ایچیده قانونی یولدن ریجستر قیلیش، کتته بیر یوتوق حسابلنه دی. اوشبومدت جریانیده سیزلرتیگشلی ساحه لربوییچه بار امکانیتلردن فایده لنیش بیلن ایش- آلیب باریب، ستوکهولمده یشاوچی وطنداشلرنی بیرلشتیریب، تورلی مراسملرده اولرنی ییغیشتیریب اتحاد واتفاقلرینی تامینلش بیلن بیرگه، صنعت و کلتور ساحه سیده اولرنینگ استتیک (بدیعی) ذوقلرینی اویغاتیب کیلدینگلر. مین بوندن آلدین هم سیزلرگه، اساسی وظیفه لرنی ینگی نسل- یاش اولادگه تاپشیریش کیرکلیگینی ایتیب کیلگن من. نیگه که یاشلر زمان روحی و دورطلبینی یخشی توشونیب، فداییلیک بیلن ایشلش استعدادیگه ایگه درلر. شونینگ اوچون مینی بیرمصلحتچی و یاردمچی صفتیده قبول قیلیب، اصل وظیفه- نی تیمورجان، یاکه یاشلردن بیرانته سیگه تاپشیرسنگیزلریخشی بولردی.لیکن ییغیلیش اشتراکچیلری بیر آواز بیلن، استاد بیزلرهمه میز شو وظیفه نی سیزگه تاپشیریش بوییچه بیر فکرده میز دیب اوز ایستکلرینی تاکیدله دیلر.استاد جوزجانی مسئولیتنی قبول قیلیب، باشقرواعضالریگه اونگه کورستگن ایشانچلری اوچون ممنونیت بیلدیرگندن کیین، قسقه چه صحبتده دیدی: همه میزگه معلوم که کلتورومدنیت هربیر قوم یاکه ملت نینگ اوزلیگی و ملی کرکترینی کورستوچی کوزگو، وکیملیگینی بیلگیلاوچی عاملدر. اوز تاریخی و کلتوریدن بیگانه بولگن خلق، منقورت (آنگسیز قل) لرگه ایله نیب، کیملیگینی اونوته دی و باشقه لراراده- سیگه قرم بولیب یشیدی. شونینگ اوچون « بابر کلتوری انجمنی » آلدیده کونده لنگ تورگن بورچلردن بیری، ملی کلتوریمیزنینگ تورلی قیرره لرینی تاریخی نظردن کینگ کولمده آچیب بیریش و زمان طلبیدن کیلیب چیققن حالده اونی رواجلنتیریش وباشقه ملتلرگه اولرنی تانیتیشدر. اوشبو مقصدگه ایریشیش اوچون عجالتا انجمن نینگ اقتصادی بنیه سینی کوچیتیریش و بابر ویب سایتینیگ پروگرام و نشر تیزیمینی قیته دن کوریب چیقیب، اونگه ایجابی اوزگریشلر کیریتیش لازم. بو ایشنی، تنیقلی عالم، ادیب و شاعرلریمیز یاردمینی جلب قیلیب، تیل ومدنیتیمیز بوییچه چیقیب تورگن باشقه سایتلروویبلاکلر بیلن همکارلیکنی یولگه قوییش یولی بیلن، شونینگدیک زمانوی تخنیک سرلرینی یخشی اوزلشتیریب آلگن دوستیمیز- ویب سایت مسئولی، کاظم جان نیازی سعی و حرکتی بیلن عملگه آشیریشیمیز ممکن. مینینگ ینه بیرتکلیفیم شوندن عبارت که رسام و موزیکه چی، سابق «ظفر» بدیعی گروهی نینگ رهبری محمد شفیع عظیمی رهبرلیگیده، موزیکه چی وخواننده محمد یونس و موزیکه چی آی بیک جوزجانی یاردمیده بیر بدیعی گروه تشکیل ایتسک. اولر انجمن تامانیدن بولیب اوته دیگن مراسملرگه قتنشیشدن تشقری، یاش آماتوراستعدادلرنی تربیه لب وایه گه ییتگزسینلر. استاد جوزجانی بیلدیرگن تکلیفلر، رئیسه هیئت اعضالری تامانیدن بیلدیریلگن قوشیمچه فکرلربیلن قبول قیلینیب، فنلردوکتوری پروفیسورعبدالحکیم شرعی جوزجانی، بیرآواز بیلن « بابرکلتوری انجمنی » رئیسی صفتیده تعیینلندی. ییغیلیش، مسئول کیشیلرنینگ وظیفه لرینی انیقراق شکلده بیلگی لگندن کیین، اوزبیک پالاوینی صرفلش بیلن توگه دی. انجمن نینگ کلتور بولیمی «بابر کلتوری انجمنی» نینگ باشقروهیئتی: پروفیسورشرعی جوزجانی انجمن رئیسی تیمور اونگوت رئیس معاونی نرگس جویا رئیس معاونی و خاتین- قیزلر بولیمی نینگ مسئولی کریم جویا مالیه بولیمی نینگ مسئولی کاظم نیازی سکرتر و ویب سایت مسئولی نعمت الله بیگزاده تفتیش ایشلری مسئولی سید یونس واکبر حامدی ترتیب و تنظیم قیلیش بولیمی نینگ مسئوللری نجیبه بیگزاده رئیس معاونی (علی البدل عضو ) سید خسرو مالیه بولیمی نینگ کنترولچی سی | 
